សួស្តី ខែវិច្ឆិកា !!! តើអ្នកភូមិទាំងអស់គ្នាសុខសប្បាយជាទេ? មួយរយៈនេះរវល់ផង ខ្ជិលផង ដល់អ៊ីចឹងគ្មានអ្វីយកមកចែករំលែកសោះ ។
ចូលមកដល់សាច់រឿងម្តង តើបងប្អូនអ្នកភូមិស្គាល់ Help-Portrait ទេ ?
Help-Portrait គឺជាចលនាមួយរបស់ ជាងថតរូប ដែលចំណាយពេលវេលា សម្ភារៈ និង ជំនាញរបស់ខ្លួន ដោយផ្តល់ឲ្យមនុស្សមួយចំនួនដែលមិនមានវាសនាល្អដូចពួកគេដោយថតរូបចំពីមុខរបស់ពួកគេ (មិនមានការគិតប្រាក់) ។
វិធីងាយ ៗ សម្រាប់ Help-Portrait ៖
- ស្វែងរកអ្នកដែលត្រូវការ Find someone in need
- ថតរូបចំពីមុខរបស់ពួកគេ Take their portraits
- ផ្តិតរូបឲ្យពួកគេ Print their portraits
- យករូបឲ្យពួកគេ and Deliver them
គិតជារួម មកទល់ថ្ងៃនេះមាន ៖
-
រូបថតចំនួន ១០១,៥៦៩ ត្រូវបានថត
-
ជាងថតរូបចំនួន ១០,៥៧៤ នាក់
-
អ្នកស្ម័គ្រចិត្រ ១២,៦៥៤ នាក់
-
នៅទីតាំងចំនួន ១,០៦២ កន្លែង
-
នៅប្រទេសចំនួន ៥៤ ជុំវិញពិភពលោក (មិនទាន់រាប់បញ្ចូលប្រទេសកម្ពុជា)
ជាមួយនេះផងដែរ នៅប្រទេសកម្ពុជា ក្លឹបថតរូបកម្ពុជា Cambodia Photography Club ហៅកាត់ថា CPC ដែលទើបនឹងបញ្ចប់ ការតាំងពិពណ៌រូបភាព ក្នុងគោលបំណង មនុស្សធម៌ អស់រយៈពេល ៣ថ្ងៃ ជាលើកទី ១ របស់ខ្លួន នៅ មេតា ហោស៍ (Meta House) ដែលទទួលបានការគាំទ្រយ៉ាងច្រើនរួចមកហើយនោះ បានរៀបចំ Help-Portrait ជាលើកទី ៣ របស់ខ្លួន នៅថ្ងៃសៅរ៍ ទី ៥ ខែវិច្ឆកា នេះ នៅឯមជ្ឈមណ្ឌលកុមារកំព្រាចំនួន ២ នៅឯ អន្លង់ក្ងាន (សូមបញ្ជាក់ថា Help-Portrait លើកទី ១ ធ្វើឡើងកាលពី ឆ្នាំ ២០១០ នៅភ្នំពេញ និង លើកទី ២ នៅសៀមរាប ក្នុងឆ្នាំ ២០១១ នេះ) ។
បងប្អូនអ្នកភូមិអាចឆ្ងល់ថា ម៉េចបានជា តាម៉ាប់ យករឿងនេះមកនិយាយ ? មិនមានអ្វីគួរឲ្យចម្លែកទេ ព្រោះ តាម៉ាប់ ជាសមាជិកម្នាក់នៃ ក្លឹបថតរូបកម្ពុជា ដែរ ហេហេហេ ។
ខ្ញុំអត់ទាន់មានជំនាញ… ហេតុនេះ ខ្ញុំមិនទាន់ហ៊ានចូលជាសមាជិក CPC នៅឡើយទេតាម៉ាប់… 😀
មិនបាច់ខ្លាំងបានចូលបាននោះទេ ចូលទៅដើម្បីរៀនសូត្របន្ថែម ។