ខ្មៅដៃ និង ជ័រលុប


ជ័រលុប និង ខ្មៅដៃ

នៅក្នុងកាបូបប៊ិចមួយ…

ខ្មៅដៃ ៖ ឲ្យខ្ញុំសុំទោសផង !
ជ័រលុប ៖ សុំទោសរឿងអីទៅ ? ឯងមានបានធ្វើអីខុសឯណា ?
ខ្មៅដៃ ៖ ខ្ញុំសុំទោសពីព្រោះឯងរងទុក្ខដោយសារតែខ្ញុំណឹងណា ! នៅពេលដែលខ្ញុំធ្វើអ្វីមួយខុស ឯងតែងតែលុបកំហុសទាំងនោះ ។ ឯងធ្វើបែបនេះ ធ្វើឲ្យរូបឯងកាន់តែតូចទៅ ៗ ។
ជ័រលុប ៖ មិនអីទេ ! ព្រោះខ្ញុំកើតមកដើម្បីតែការងារនេះឯង ។ ឯងត្រូវការខ្ញុំនៅពេលដែលឯងធ្វើអ្វីខុស ។ បើទោះជាថ្ងៃមួយ ខ្ញុំទៅបាត់ ឯងប្រាកដជាមានជ័រលុបមួយថ្មីទៀតជាដៃគូ ។ ខ្ញុំសប្បាយចិត្តនឹងការងាររបស់ខ្ញុំ ដូច្នេះមិនបាច់បារម្ភទេ ។ ខ្ញុំមិនចង់ឃើញឯងធ្វើមុខស្អុយទេ !

ការសន្ទនារវាងវត្ថុទាំង ២ នេះពិតជាគួរឲ្យរំជួលចិត្តខ្លាំងណាស់ ! បើយើងប្រៀបធៀបមក លោកឪពុកអ្នកម្ដាយយើងគឺ ដូចជា ជ័រលុប នេះអ៊ីចឹង ឯពួកយើងជា ខ្មៅដៃ ។ លោកតែងតែនៅជិតយើងគ្រប់ពេលវេលា ដើម្បីជួយយើង ! ពេលវេលាចេះតែទៅមុខ លោកកើតទុក្ខ ចាស់ ឈឺ ហើយនឹងស្លាប់ដោយជៀសមិនរួច ឯកូន ៗ របស់គាត់នឹងរកបានមនុស្សថ្មី (ប្ដី/ប្រពន្ធ) ហើយចាកចេញពីលោក តែយ៉ាងណាក្ដី លោកនៅតែពេញចិត្តនូវអ្វីដែលលោកបានផ្ដល់ឲ្យកូន ៗ របស់លោក ! ហើយលោកមិនចូលចិត្តទាល់តែសោះនៅពេលដែលឃើញកូន ៗ របស់លោកកើតទុក្ខ ឬ មានក្ដីកង្វល់ ។ សេចក្ដីស្នេហារបស់លោកចំពោះកូន ៗ របស់លោកគឺ គ្មានព្រំដែន ។

សម្រាប់លោកឪពុកអ្នកម្ដាយគ្រប់ ៗ ព្រះអង្គ !

Advertisements

About តា ម៉ាប់

ខ្មែរ​ម្នាក់​ដែល​រស់​ដើម្បី​ខ្មែរ ! A young Khmer with big ambition for his motherland!
This entry was posted in រឿងខ្លី អប់រំចិត្ត​ គំនិត and tagged , , , , . Bookmark the permalink.

10 Responses to ខ្មៅដៃ និង ជ័រលុប

  1. បើមាន ឡែក មួយពាន់ខ្ញុំនឹងអង្គុយចុចឱ្យគ្រប់។ តែចុចទៅចុចមកនៅតែ ឡែក អាន់ឡែក តាដែល។
    ចុះកូនអ្នកណាគេអីក៏ចេះគិតម៉េះ?

    • តា ម៉ាប់ ថា:

      ម៉េច​ក៏ចុច​បាន ២ ដែល​បង ! មិនដឹង​ទេ ខ្ញុំ​កូពីពីគេ​ដែល ហាហាហា

    • ទាល់តែពេញចិត្តដែរបានកូពីមកកើត!
      យ៉ាងណាលោកប្អូនក៏គ្រាន់ជាងខ្ញុំនៅពីក្មេង អាយុប៉ុនប្អូនខ្ញុំគ្មានបានការទេ ដើរលេងឥតប្រយោជន៍ លោកប្អូនជាគម្រូមួយសម្រាប់អ្នកជំនាន់ថ្មី។

    • តា ម៉ាប់ ថា:

      អរគុណបងចំពោះ​ការលើកទឹកចិត្ត និយាយ​តាម​ត្រង់​ខ្ញុំទើប​តែ​ភ្ញាក់​ខ្លួន​ប្រមាណ ២ ឆ្នាំនេះទេ មុននេះ ចប់និយាយ ចាំមើល​ថ្ងៃណា​ខ្ញុំ​មាន​ពេល​ទំនេរ​ ខ្ញុំ​នឹង​សរសេរ​ជីវប្រវត្តិ​​ផ្ទាល់​ខ្លួន សង្ខេប​ពេល​ខ្ញុំ​ធ្លាប់​ជា​ក្មេង​ប៉ោ​ឡែរ ឲ្យ​បង​អាន ។ គម្រូអីទេបង និយាយ​គេមិនស្តាប់ ខ្ញុំ​ស្តាយ​មនុស្ស​ណាស់ !

    • «ម៉េចក៏ចុចបាន ២ ដែរ» មិនមែន «ដែល»ទេ ។​ សុំទោស បងកែរគ្រាន់តែចង់អោយបានត្រូវទាំងអស់គ្នាទេ។

    • អុញកែគេឥឡូវខុសខ្លួនឯង «កែ»អត់មាន«រ»ទេ។

    • តា ម៉ាប់ ថា:

      អរគុណ​បង ខ្ញុំ​នឹង​​កែ ។

    • តា ម៉ាប់ ថា:

      បាទ អរគុណ​បង​ចំពោះ​ការ​ប្រាប់​ពី​កំហុស​ឆ្គង ខ្ញុំ​មិនប្រកាន់​អីទេ រក​តែ​អ្នក​កែ​ណឹង​ហើយ ឈប់​ខុស !

  2. vsthea ថា:

    គ្មានអ្នកណាធ្វើត្រូវ​ទាំងអស់នោះទេ ! ធ្វើខុសឲ្យស្គាល់ពីកំហុសខ្លួនឯងទើបសមជាកូនប្រុស ។

    • តា ម៉ាប់ ថា:

      ខ្ញុំវិញ​មិនដឹង​ជា​ភ្ញាក់ខ្លួន​ប៉ុន្មាន​ពាន់​ដង​ទេបងអើយ ដូច​មិនទៅ​មុខ​សោះ !

សាសង

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s