ស្រលាញ់ពូជខ្មែរ


ខ្ញុំ​ជា​ខ្មែរ ខ្ញុំ​ស្រលាញ់​ខ្មែរ

1 – ស្រលាញ់​ពូជ​ខ្មែរ​ត្រូវ​ថែ​រក្សា កេរ​ពី​ដូន​តា​ទុក​ឲ្យ​គង់វង្ស
ដែល​លោក​ខំ​សាង​ដោយ​ក្ដី​ផ្ចិតផ្ចង់ មិន​ឲ្យ​បាត់​បង់​ត្រង់​ណា​មួយ​សោះ ។
2- ស្រលាញ់​ពូជ​ខ្មែរ​ត្រូវ​ថែ​រក្សា អ្នក​មាន​បញ្ញា​ចេះ​ដឹង​ឥត​ខ្ចោះ
គេ​បាន​សិក្សា​សព្វ​សីល្ប៍​ទាំង​អស់ លោក​អ្នក​ប្រាជ្ញ​នោះ​ជួយ​សាង​ជាតិ​យើង ។
3- ស្រលាញ់​ពូជ​ខ្មែរ​ត្រូវ​ថែ​រក្សា នគរ​វត្ត​វ៉ា​ឲ្យ​ចម្រើន​ឡើង
នៅ​ទន្ទឹម​គ្នា​ទាំង​ពីរ​រុង​រឿង ប៉ុន្តែ​ពួក​យើង​ទុក​ជាតិ​ជា​ធំ ។
4- ស្រលាញ់​ពូជ​ខ្មែរ​ត្រូវ​ថែ​រក្សា ធម៌​បួន​ប្រការ​លោក​ហៅ​ថា​ព្រហ្ម
ទោះ​បី​អ្នក​តូច​ឬ​មួយ​អ្នក​ធំ ត្រូវ​​មាន​ធម៌​ព្រហ្ម​វិហារ​បំផុត ។
5- ស្រលាញ់​ពូជ​ខ្មែរ​ត្រូវ​ថែ​រក្សា អប់រំ​បញ្ញា​ចិត្ត​ថ្លា​បរិសុទ្ធ
ដឹង​ខុស​ដឹង​ត្រូវ​បញ្ញា​ភ្លឺ​មុត អាច​នាំ​ឆ្លង​ផុត​ក្ដី​ទុក្ខ​ក្ដួល​ក្ដៅ ។
6- ស្រលាញ់​ពូជ​ខ្មែរ​ត្រូវ​ថែ​រក្សា ទម្លាប់​ដូន​តា​បំបួស​កូន​ចៅ
អប់​រំ​ឲ្យ​ឆ្អិន​កុំ​ឲ្យ​នៅ​ឆៅ ពេល​ប្រើ​ការ​ទៅ​​បាន​ផល​ប្រចក្ស ។
7- ស្រលាញ់​ពូជ​ខ្មែរ​ត្រូវ​ថែ​រក្សា និយម​អាហារ​សំលៀក​បំពាក់
និង​ប្រពៃណី​ថ្លៃ​ថ្លា​អនគ្ឃ ខ្មែរ​ត្រូវ​រួម​រក្សា​ទុក​ឲ្យ​ល្អ ។
8- ស្រលាញ់​ពូជ​ខ្មែរ​ត្រូវ​ថែ​រក្សា រួម​ជាតិ​ខេមរា​ឲ្យ​មូល​កុះករ
នាំ​គ្នា​សាង​ជាតិ​ឲ្យ​ថ្កើង​បវរ ល្បី​ដូច​អង្គរ​ខ្ចាយ​ខ្ចរ​គ្រប់​ទិស ៕
ភិក្ខុ ងិន ភេន, វត្តពោធិវង្ស, Paris, France
ព.ស. ២៥៥៣, គ.ស. 2009

About តា ម៉ាប់

ខ្មែរ​ម្នាក់​ដែល​រស់​ដើម្បី​ខ្មែរ ! A young Khmer with big ambition for his motherland!
This entry was posted in កំណាព្យ and tagged , , , . Bookmark the permalink.

សាសង

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s