ប្រាសាទ​កំពង់ព្រះ


ក្រៅ​ពី​ប្រាសាទ​មួយ​ចំនួន​ធំ​នៅ​ស្រុក​កំពង់​លែង​ត្រើយ​ខាង​កើត នៅត្រើយ​ខាង​លិច​ខេត្ត​កំពង់​ឆ្នាំង​ ក៏​មាន​នៅ​សេស​សល់​ប្រាសាទ​​យ៉ាង​ហោច​ណាស់​ចំនួន​២​ដែរ។ ថ្ងៃ​នេះ​ខ្ញុំ​សូម​បង្ហាញ​ប្រាសាទ​មួយ​នៅ​ ភូមិ​កំពង់​ព្រះ​ ឃុំ​ឆ្នុក​ទ្រូ ស្រុក​បរិបូណ៌។ ប្រាសាទ​នោះឈ្មោះ​ថា ប្រាសាទ​កំពង់​ព្រះ​ ដែ​លស្ថិត​នៅ​ក្នុង​ទី​តាំង​វត្ត​​ទួល​ព្រះ​ស្រី​ពិជ័យ​សូរវង្ស។

មើល​ពី​ខាង​លិច (រូប​មិន​សូវ​ល្អ)

ប្រាសាទ​នេះ​សព្វថ្ងៃ​នៅ​សេស​សល់​តួពីរ ធ្វើ​អំពី​ឥដ្ឋ។ នៅ​ខាង​ជើង​នៃ​តួ​ទាំង​ពីរ មាន​រោង​មួយ​ដែល​គេ​ធ្វើ​គ្រប​គ្រឹះ​តួ​ប្រាសាទ​មួយ​ទៀត​ដែល​ខូច​ខាត​ជា​ទម្ងន់។ ក្នុង​ចំណោម​តួ​ប្រាសាទ​ទាំង​ពីរ​​ដែល​នៅ​ឈរ តួ​ខាង​ត្បូង​មាន​ទំហំ​ធំជាង និង​នៅ​រឹង​មាំ​ជាង​តួ​ខាង​ជើង។ មិន​ចម្លែក​ទេ​ដែល​អ្នក​ស្រុក​ហៅ​ តួ​ខាង​ត្បូង​ថា «ប្រាសាទ​ស្រី» ឯ​តួ​ខាង​ជើង​ថា «​ប្រាសាទ​ប្រុស»។

ចំពោះ​អ្នក​ធ្លាប់​រៀន​មុខ​វិជ្ជា​បុរាណ​វិទ្យា ប្រវត្តិ​សិល្បៈ​បុរាណ ប្រវត្តិ​វិទ្យា ស្ថាបត្យ​កម្ម​ និង​វិចិត្រ​កម្ម​ ប្រាកដ​ជា​ធ្លាប់​បាន​ឮ​នូវ​​រចនាបថ​សិល្បៈ​សម័យ​មុន​អង្គរ​មួយ​ដែល​​អ្នក​ស្រាវជ្រាវ​កំណត់​ឈ្មោះ​ថា «រចនាបថ​កំពង់ព្រះ»។ ក្នុង​រចនាបថ​នេះ ដង​ធ្នូ​នៅ​ចំកណ្ដល​ផ្ដែរ​នៅ​រក្សា​ដដែល តែ​រូប​ម្ករ រូប​ស្លឹកឈើ​រាង​ត្រីកោណ និង​រូប​មេដាយ​នៅ​លើ​ដង​ធ្នូ​បាន​បាត់​អស់​ជំនួស​មក​វិញ​នូវ​ក្បាច់​ភ្ញី​ជា​ស្លឹក​ឈើ​ពេល​នៅ​លើ​ដង​ធ្នូ ឯចុង​ដង​ធ្នូ​ទាំង​សង​ខាង​កោង​.​ង.ទៅ​លើ​។ គួរ​បញ្ជាក់ថា ផ្ដែរ​រចនាបថ​កំពង់ព្រះ មិនមែន​មាន​តែ​នៅ​ប្រាសាទ​កំពង់​ព្រះ​នោះទេ ផ្ដែរ​នេះ​ក៏​គេ​ឃើញ​មាន​​ប្រាសាទ​ភូមិប្រាសាទ​ខេត្ត​កំពង់ធំ វត្ត​ជើងឯក​ខាង​ត្បូង​រាជធានីភ្នំពេញ​ ប្រាសាទ​ស្រីគ្រប់លក្ខណ៍​នៅ​ភ្នំ​បាសិទ្ធិ​ដែរ។​ ការ​ដាក់​ឈ្មោះ​នេះ​ គឺ​គ្រាន់​តែ​យក​ផ្ដែរ​នេះ​ជា​គម្រូ​​​សម្គាល់​ផ្ដែរ​នានា​ដែល​ស្រដៀង​ៗ​គ្នា។​

ផ្ដែររចនាបថកំពង់ព្រះ

ចំពោះ​វិហារ​វិញ ជា​វិហារ​ទម្រង់​បុរាណ​មាន​​ជហ្វា​៤ សង់​លើ​ឃឿន​ស៊ី​ម៉ង់​ ស្ថិត​នៅ​បណ្ដោយ​ថ្ងៃ ដំបូល​ប្រក់​ក្បឿង​។ ហោ​ជាង​ខាងលិច​ខូច​ខាត​ខ្លាំង​បាំង​​​បិត​ដោយ​​ស័ង្កសី​ (រូបខាងក្រោម ដក​ស័ង្កសី​ចេញ) ឯ​ហោជាង​ខាង​កើត​នៅ​ស្អាត​ល្អ។

ហោ​ជាងវិហារ ប្រភព៖ ស្ថាបត្យករ ម៉ៅ សុខ​ចំរើន

នៅ​ខាង​ជើង​​វិហារ​ ក៏​មាន​វិហារ​មួ​យ​ទៀត​ធ្វើ​រាប​ស្មើ​ដី​ ដំបូល​ប្រក់ស៊ីប្រូ អ្នក​ស្រុក​ហៅ​ថា «វិហារ​យួន» ព្រោះធ្លាប់​មាន​លោក​សង្ឃ​យួន​មក​គង់​នៅ។ កាល​ខ្ញុំ​ទៅ​ដល់​វត្ត​នេះ​​នៅ​កំឡុង​ពេល​បុណ្យ​អុំ​ទូក​ឆ្នាំ​២០១៦ ​មិន​បាច់​ដល់​លោក​សង្ឃ​យួន​ទេ តែ​លោក​សង្ឃ​ខ្មែរ​ក៏​មិន​ឃើញ​មានគង់​​នៅ​ដែរ។

ខ្ញុំនៅ​ចាំ​បទ​ចម្រៀង​មួយ​បទ​របស់​ លោក ព្រាប សុវត្ថិ ចំណងជើង​ថា «ជលសា​ដួង​ចិត្ត» ដែល​គេថត​នៅ​ ប្រាសាទ​កំពង់ព្រះ។ កាល​​​ដែល​គេ​ចេញ​វីដេអូ​នោះ​កាល​ពី​ជាង​១០​ឆ្នាំ​មុន ខ្ញុំ​មិន​បាន​ស្គាល់​ប្រាសាទ​នេះ​ទេ ខ្ញុំ​ទើប​តែ​ស្គាល់​នៅ​ឆ្នាំ​២០១៦​នេះ​ឯង ជា​លើក​ទី១។​ ឆ្នាំ​នេះ​ចិញ្ចឹម​ចិត្ត​ទៅ​មើល​ម្ដង​ទៀត​​ឱ្យ​ខាង​តែ​បាន។

អានបន្ថែម៖

Advertisements

About តា ម៉ាប់

ខ្មែរ​ម្នាក់​ដែល​រស់​ដើម្បី​ខ្មែរ ! A young Khmer with big ambition for his motherland!
This entry was posted in ប្រាសាទ​​បុរាណ​នៅ​កម្ពុជា, Exploring Cambodia and tagged , , , , , , . Bookmark the permalink.

សាសង

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s