បទសម្ភាសន៍​មួយ


កាល​ពី​ជិត​បួ​ន​ឆ្នាំ​មុន ពោល​គឺ​នៅ​ខែ​តុលា ឆ្នាំ២០១៤ ខ្ញុំ​បាន​ចូល​រួម​ក្នុង​កម្មវិធី​​មួយ​របស់​ទូរទស្សន៍ CTN និយាយពី​រឿងផ្ទាល់ខ្លួន ដែល​កាល​នោះ​ខ្ញុំ​គ្រាន់តែ​ជា​មនុស្ស​មនុស្ស​ដែលរៀន​ចប់ ឥតការងារធ្វើ ដើរថត​ប្រាសាទតែ​ប៉ុណ្ណឹង​ឯង… សូមទស្សនាវីដេអូខាងក្រោមនេះ៖

បួនឆ្នាំក្រោយមក ពោលគឺបច្ចុប្បន្ននេះ ខ្ញុំនៅ​បន្ត​ការងារ​​នេះ​ដដែល ហើយ​ថែម​ទាំង​ចូល​រៀន​នៅ​មហាវិទ្យាល័យ​បុរាណវិទ្យា​ទៀត​ផង គឺ​ដើម្បី​បង្កើន​ចំណេះ​ដឹង​ទៅលើ​អ្វី​ដែល​ខ្ញុំ​មាន​ពី​មុន​មក។ ការ​ខិត​ខំ​ប្រឹង​ប្រែង​​របស់​ខ្ញុំ​​​មក​ដល់​ពេល​នេះ ត្បិត​តែ​ថា​មិន​​មាន​ផល​តប​ស្នង​ជា​ដុំ​កំ​ភួន​ក្ដី (ខ្លួន​ខ្ញុំ​ក៏​មិន​ចង់​បាន​អ្វី​មក​វិញ​ដែរ) ក៏​មាន​ការ​ទទួល​ស្គាល់​ខ្លះៗ​ដែរ ដូច​ជា​នៅ​ចុង​ខែ​មេសា​នេះ ខ្ញុំ​នឹង​ធ្វើ​ បាឋកថា ​ជា​លើក​ទី​មួយ​​​នៅ​វិទ្យស្ថាន​ពុទ្ធសាសន​បណ្ឌិត្យ។

ខ្ញុំ​មាន​គតិ​ផ្ទាល់​ខ្លួន​មួយ «ធ្វើ​អ្វី​ដែល​ខ្លួន​ស្រលាញ់​ប្រកប​ដោយ​ក្ដី​ជឿជាក់ ហើយ​បន្ត​ធ្វើ​​កុំ​ឈប់»។

Advertisements
បានផ្សាយ​ក្នុង កំណត់សរសេរ តាម៉ាប់ | បានដាក់ពាក្យ​គន្លឹះ , , , , , | បញ្ចេញមតិ

On Air 2


រសៀល​នេះ ខ្ញុំ​បាន​ទៅ​ស្ថានីយ​ទូរទស្សន៍ CTN ជា​លើក​ទី​២ ដោយ​ម្ដង​នេះ​ស្ថានីយ​វិទ្យុ​ភ្នំពេញ​ អេហ្វអឹម ៩៤មេហ្គាហឺត ​ដោយ​និយាយ​អំពី​បទ​ពិសោធន៍​ផ្ទាល់​ខ្លួន ដូចមានបង្ហាញ​​ក្នុង​រូបភាព​ខាង​ក្រោម។

ចំពោះអត្ថន័យ​ទាំង​ស្រុង សូម​ទស្សនា​វីដេអូ​​ផ្សាយ​ផ្ទាល់​ដូច​ខាង​ក្រោម៖

ខ្ញុំធ្លាប់ចូលនិយាយ​នៅ​វិទ្យុ​បាន​ពីរ​ដង​ដែរ​មុន​នេះ និង​និយាយ​នៅ​ប៉ុស្តិ៍​ទូរទស្សន៍ម្ដង។

សូមអាន On Air

បានផ្សាយ​ក្នុង កំណត់សរសេរ តាម៉ាប់, ទូទៅ | បានដាក់ពាក្យ​គន្លឹះ , , , , | បញ្ចេញមតិ

បាឋកថាលើកទី១


នៅ​ចុង​ខែ​មេសា​នេះ ខ្ញុំ​នឹង​ធ្វើ​បង្ហាញ​ជា​លើកទី១​នៅវិទ្យា​ស្ថាន​​ពុទ្ធសាសនបណ្ឌិត្យ។ បទ​បង្ហាញ​​នេះ បង្ហាញ​អំពី​ព័ត៌មានទូទៅ​នៃ​ប្រាសាទ​នៅ​ខេត្ត​កំពង់ចាម និង​ត្បូង​ឃ្មុំ​ដែល​ជា​ស្រុក​កំណើត។ គំនិត​ជា​គោល គឺ​ចង់​ឱ្យ​សាធារណ​ជន​ស្គាល់​ប្រាសាទ ក៏​ដូច​ជា​បុរាណ​ដ្ឋាន​នានាឱ្យ​កាន់​តែ​ច្រើន​ ដែល​អាច​ផ្ដល់​ប្រយោជន៍​ច្រើន​ក្ដី​ តិច​ក្ដី ដូច​ជា​ការ​ថែ​រក្សា ការ​ផ្សព្វផ្សាយ​បន្ត ការ​ចង់​ចេះ​ចង់​ដឹង​បន្ថែម។ សូម​អាន​ព័ត៌មាន​ដែល​មាន​ភ្ជាប់​នៅ​រូប​ពីរ​សន្លឹក​ខាង​ក្រោម៖

សូម​អរគុណ

បានផ្សាយ​ក្នុង កំណត់សរសេរ តាម៉ាប់, ទូទៅ | បានដាក់ពាក្យ​គន្លឹះ , , , , , | 3 មតិ

គូ​ររូបលេង


ឥឡូវទំនេរ គ្មានការងារធ្វើ (មិនចង់ធ្វើ​ច្រើន​ជាង​មិន​ដឹង) ក៏​អង្គុយ​គូររូប​លេង។ តាម​ពិត​ទៅ ថា​គូរ​ក៏​មិន​សូវ​សម​ដែរ ព្រោះ​មិនមែន​គូរ​ចេញ​ពី​ខួរ​ក្បាល គឺ​គូរ​ចម្លង​ពី​រូប​ថត។ គំនូរ​នេះ​បង្ហាញ​ពី​ក្បាល​គ្រុឌ ​ចម្លង​ចេញ​ពី​រូប​គ្រុឌ​ដែល​ឈរ​នៅ​ច្រក​ចូល​សារមន្ទីរ​ជាតិ​ភ្នំពេញ។ បដិមា​គ្រុឌ​ដ៏​ធំ​សម្បើម​នោះ​ស្ថិត​នៅ​ក្នុង​រចនាបថ​កោះកេរ។

មុខគ្រុឌ

ខ្ញុំ​ចូល​ចិត្ត​គូរ​រូប​តាំង​ពី​តូច តែមិន​ដែល​មាន​គំនិត​ប៉ង​ថា​ចង់​ក្លាយ​ជា​ជាង​គំនូរ​សោះ ពីព្រោះ​មនុស្ស​ខ្ញុំ​ខ្វះ​សេចក្ដី​អំណត់ ខ្ញុំ​មិន​អាច​អង្គុយ​រាប់​ម៉ោង​ ផ្ចិត​ផ្ចង់​តែ​លើ​រឿង​តែ​មួយ​មុខ​ទេ។ ពេលខ្លះអផ្សុកពេក ក៏អង្គុយគូរលេងអញ្ចឹងទៅ តែបានតែប៉ុណ្ណឹង​ឯង គ្មានបានស្អីជាដុំកំភួនទេ ហេហេហេ។ ចាំ​តាំង​ចិត្ត​ រៀ​ន​គូរ​គំនូរ​មួយទៀត គូរ​ល្មមៗ​ ហោច​ណាស់​ឲ្យ​បាន​ប្រាកដ​ប្រជា​ជាងនេះ។

បានផ្សាយ​ក្នុង កំណត់សរសេរ តាម៉ាប់ | បានដាក់ពាក្យ​គន្លឹះ , , , | 2 មតិ

ប្រាសាទនាង​ខ្មៅ និង​ប្រាសាទ​ប្រាំ កោះកេរ


បន្ទាប់​ពី​ចាក​ចេញ​ពី ប្រាសាទ​ចិន យើង​បន្ត​ដំណើរ​ទៅ​ប្រាសាទ​ពីរ​ផ្សេង​ទៀត​ គឺ​ប្រាសាទ​នាង​ខ្មៅ និង​ប្រាសាទ​ប្រាំ។ ប្រាសាទ​ទាំង​២​នេះ​មិន​មាន​សារៈ​សំខាន់​ដូច ​ប្រាសាទធំ និង​ប្រាសាទ​ចិន​នោះទេ ក៏​ប៉ុន្តែ​នៅ​មាន​សភាព​​ល្អ​ស្អាត​ មាំ​ទាំ​ជាង​ប្រាសាទ​ទាំង​២​ មុន​នេះ។

ប្រាសាទ​នាង​ខ្មៅ​ជា​ប្រាសាទ​ទោល​ធ្វើ​ពី​ថ្ម​បាយ​ក្រៀម សង់​លើ​ឃឿន​ថ្ម​បាយ​ក្រៀម បែរ​មុខ​ទៅ​ទិស​ខាងលិច។ ស៊ុម​ទ្វារ ​សសរ​ពេជ្រ និង​ផ្ដែរ​ដែល​សង់​ពី​ថ្ម​ភក់​មាន​តែ​នៅ​ច្រក​ទ្វារ​ខាង​លិច​តែ​ប៉ុណ្ណោះ។ ផ្ដែរ​​​ក្នុង​រចនាបថ​កោះ​កេរ​ មាន​រូប​មនុស្ស​អង្គុយ​ពែន​ភ្នែន​លើ​ផ្កា​ឈូក ប្រហែល​ជា​ព្រះ​ព្រហ្ម តែ​គួរ​ឲ្យ​សោក​ស្ដាយ​ដែល​ត្រង់​ចំណុច​នេះ សាច់​ថ្ម​សឹក​រលុប​បាត់។ នៅ​ខាង​ក្នុង​ មាន​តម្កល់​លិង្គ​ និង​ស្នាណាទ្រោណិ​ដែល​ធ្វើ​ពី​ថ្ម​តែ​មួយ​ដុំ ក៏​ប៉ុន្តែ​លិង្គ​នោះ​ខូច​ខាត​មួយ​កំណាត់​ខាង​លើទៅ​ហើយ។ គ្មាន​រឿង​ព្រេង​ណា​មួយបញ្ជាក់​ពី​មូល​ហេតុ​ដែល​នាំ​ឲ្យ​គេ​ហៅ​ប្រាសាទ​នេះ​ថា​ប្រាសាទនាង​ខ្មៅ​នោះទេ ប្រហែល​ដោយ​សារ​សាច់​ថ្ម​បាយ​ក្រៀម​នៅ​ប្រាសាទ​នេះ​​មាន​ពណ៌​ខ្មៅ ទើប​អ្នក​ស្រុក​ដាក់​ឈ្មោះ​បែបនេះ​ទៅ។

ចំពោះ​ប្រាសាទ​ប្រាំ​វិញ អ្នក​ស្រុក​ហៅ​ដោយ​សារ​​ទីតាំងនេះ មាន​​តួ​ប្រាសាទ​ចំនួន​៥ ក្នុង​នោះ​​មាន​ប៉ម​បី​​សង់​ពីឥដ្ឋ​លើ​ឃឿន​តែ​មួយ​សណ្ដូក​ជើងត្បូង​បែរ​មុខ​ទៅ​កើត និង​ «បណ្ណាល័យ​» ពីរ​បែរ​មុខ​ទៅ​រក​​ប៉ម​ទាំង​បី​។ បណ្ណាល័យ​ខាង​ជើង​សង់​ពី​ថ្ម​ភក់ ឯ​បណ្ដាល័យ​ខាង​ត្បូង​សង់​ពីឥដ្ឋ។ គេ​គិតថា​ ប្រាសាទ​អំពី​ឥដ្ឋ​ត្រូវ​បាន​សាង​សង់​មុន​ប្រាសាទ​អំពី​ថ្ម​ភក់។ សរសេរ​ពេជ្រ​នៃ​ប៉ម​ទាំង៣ និង​បណ្ណាល័យ​ទាំង២ ត្រូ​វបាន​ឆ្លាក់​រួច​រាល់ ក៏​ប៉ុន្តែ​គ្មាន​ផ្ដែរ​ណា​មួយ​ត្រូវ​បាន​សាងសង់​ឲ្យ​ចប់​ចុង​ចប់​ដើម​នោះទេ។

បានផ្សាយ​ក្នុង ប្រាសាទ​​បុរាណ​នៅ​កម្ពុជា, Exploring Cambodia | បានដាក់ពាក្យ​គន្លឹះ , , | បញ្ចេញមតិ